ڕۊشنایی مانگۍ سەر ۋېرەگا دیارەنە
مانگە وەختێ مەگنۊ، دنیێ ڕۊشنە مەکەرۊوە، شەوەی دەیجوورە مەکەرۊن بە ڕۊی نیمە ڕۊشن.
سەر ۋېرەگا مانگە بەرمەگنۊ، ئیتر وەرە وەرە تاریکی شەوۍ ڕۊشنکەرۊوە.
پېسە ئیدیۆمێ بەکارئامان کە هیچ چېوێ ئەچی دنیانە پڕێنە ڕوە نمەڎۊ، سەرەتا بە کەمی و دماتەر گۆرەبۊن.
یانی نیشانەکېش بەرمەگنا، پەی نمونەی ئا جەنگۍ هەکە قۊمیا، سەرەتا نیشانەکېشا بەرمەگنا، خەڵکە ژیرەکۍ هەسشا پەنە کەران، مزانان قۊمێلوە یان جەنگێ ئینا ڕاوە، پەوکەی ماچان ڕۊشنایی مانگۍ سەر ۋېرەگا دیارەن.
بڕێ جار ئەڎا و تاتە بە زاروڵەکاشان ماچان، تەماشە کەران زاروڵەکېشان تەمەڵېنۍ و ساعیە نمەکەران، کۊتا ساڵۍ وەختێ بە خەفەتۆ مەگېڵاوە پەی یانەی، پەنەشان ماچان بەخوڎا ڕۊڵە ئېمە هەر ئارۊما وەرچەماوە بۍ، مانگە سەر ۋېرەگا دیارەنە.
خەڵکە ئاقڵەکۍ دنیا وینیشان فرەتەرەن، ئاڎۍ دوور ۋینېنۍ، بە نیشانەکا قۊمیاکا وەرۋینی کەران، سوودشان چەنە گېران، پەرس و ڕاشان پەنە کەران.[1]