ڕەنگەو مەردەیش وەنە نیشتېنە
پۑسە مەزانمۍ کەسی مەردە ڕەنگەش تېکە شیېنە و بۍ ڕەنگ بېیەن، چوونکوم ئەڼامەکۍ لاشەیش جووڵەشا مدران و جە هەرمانۍ کۆتېنۍ.
پېسە ئیدیۆمێ پەی کەسێ یام بە کەسێ ماچان هەکە ڕەنگەش پڕێبۊ، یان زەرد بېیەبۊ، تەمیابۊرە. جاری چامنە هەن کەسێ فرە نەوەش هەن، کۆتەن یاگۍ، ڕەنگ و ڕووش نەمەنەن، وەختێ ڕەفیق و دۊسېش ملا سەردایش، مېیانو وېشانە ماچان فەقیرە ڕەنگەو مەردەیش نیشتېنە ۋەنە. یام ژەنېوە کە خەفەتو زاروڵەکەیشەنە بېتاقەته بۊن، ئیتر زیڼانی کریابۊ، یام جەنگەنە زامڎار کریابۊ، پېسە مەردېوە پێوە ژڵېویۊ.
بڕێ کەسۍ وەختێ توشوو تەرسېوە مەبانۍ، بەجارێ شېویا، بۍ ڕەنگۍ مەبان، خەڵکە نزیکەکۍ پەنەشان ماچان: ئەرۍ برا چی ئاڼە تەرسی، خۊ ڕەنگەو مەردەیت وەنە نیشتېنە.[1]