ئەمڕۆ چوارشەممە ڕێکەوتی #16-08-2023#، #مەسرور بارزانی#، سەرۆکی #حکومەتی هەرێمی کوردستان#، پێشوازیی لە جان کریستۆف، هەڵسوڕێنەری کاروباری باڵوێزخانەی فەرەنسا لە ئێراق کرد.
لە دیدارەکەدا دوایین پێشهات و دۆخی گشتیی ئێراق و کێشەکانی #هەرێمی کوردستان# و حکومەتی فیدراڵ تاوتوێ کرا و جەخت لە پێویستیی پاراستن و ڕێزگرتن لە مافە دەستوورییەکانی گەلی کوردستان لەسەر بنەمای ڕێککەوتنەکان و دەستوور کرایەوە.
لە تەوەرێکی دیکەی کۆبوونەوەکەدا، گفتوگۆ لەبارەی چاکسازییەکانی کابینەی نۆیەمی حکوومەتی هەرێمی کوردستان و گرنگیی ئەنجامدانی هەڵبژاردنی پەڕڵەمانی کوردستان لە کاتی دیاریکراوی خۆی لە #25-02-2024# و بارودۆخی ناوچە کوردستانییەکانی دەرەوەی ئیدارەی هەرێم و پێویستی کۆتاییهێنان بە شاڵاوی گۆڕینی دیمۆگرافی لەو ناوچانە کرا. [1]