موزیک پېسەو دیاردېوی سرووشتی
گرد پەیوازێو پەی مەنەیەو مرۊۋی و ھەرپاسە پەی درێژەو ژیواو مرۊڤی، چ مادی و چ مەعنەوی جە سروشتەنە بەرهەم ئامان و مەێ. مرۊڤ بە بۍ سروشتی ژیوایش پەی نېیەن. بەڵام سروشت بە بۍ مرۊڤی بېیەن و مەنۆیچەو. شێوازێو جە موسیقای سروشتی وەڵێ موسیقای دەسکردوو مرۊڤی بە درێژایی تاریخی وجوڎش بېیەن. شنەو نەسیموو سەحبانی، هاژەو ئاوێ و وەرواوێ، قرمەو هانەی، چەهچەهەو بوڵبوڵی، قاسپەو ژەرەژێ، چریکەو عالەمەنێ، وانای پەپووی، خشەخشوو گەلای، لەرە و پلکەو گەڵاچناری، چڼانۍ تەرېچ، مرۊڤ چی موسیقا سروشتیەیە پەی برەودای بە موسیقای دەسکردوو وېش کەڵکش هۆرگېرتەن و نموونەبەرداریش کەردەن.
موختار کەریمی.[1]