زۊرم نېیا و نازم هەن
ئی ئیدیومۍ پەی بارو وەرگېرتەی چېوێ جە کەسێ بەکارمێ، یان پەی بەدەس ئاوەردەی پەنەۋازیێ ڕوانەی.
دیارەن زۊر و هېز یارمەتیدەرېنۍ پەی ئانەی ئینسان بتاوۊ ئاچېوە یام ئا پەنەۋازیەیە بە دەس بارۊن هەکە گەرەکشەن، چوونکوم خەڵکی بۍ دەسەڵات وەراوەرو هېز و زوڵم و زۊریۆ دەسەپاچەنو هیچش پەنە نمەکریۊ.
پەی بە دەس ئاوەردەی ئا چېوا بېجگە زۊری ئینسان مەتاوۊ بە دەم و لەفزی شیرین، بە نەرم و نیانی کەسی وەراوەریش ڕازی بکەرۊن پەی ئانەی ئانەی حەزش چەنەن پەنەش ببەخشۊن، دیارەن پېسە وەڵینا واتەن قسۍ وەشە تەۋەنی نەرمە کەرۊن، هەر ئەچامنەن، کابرای ئاتاج ڕوە کەرۊ ساحیب چېوەکەی پەنەش ماچۊ: زۊرم نېیا و نازم هەن، یانی مەتاوۊ ناز بکەرو ملتەرەو بە وەشی داواو ئا چېوەیتە چەنە کەروون، ئاڎییچ یەکسەر دڵش نەرم بۊن و پەنەش بەخشۊن.[1]