ژ پێخەمەت پتر شارەزابوون د کاروبارێن مۆزەخانێ و پاراستنا شینوارێن ناڤ مۆزەخانێدا، وەلاتێ ژاپۆنێ ژمارەکا خولان بۆ فەرمانبەرێن ڕێڤەبەرییا شینوارێن پارێزگەها #دهوک#ێ برێڤە دبەت.
د. بێکەس بریفکانى، ڕێڤەبەرێ شینوار و کەلەپوور ل پارێزگەها دهوکێ، دیار کر: وەلاتێن بیانى ب گرنگى ڤە تەماشاى هەرێما کوردستانێ ب گشتى، پارێزگەها دهوکێ ب تایبەتى دکەن، ژبەر کوو ئەڤ دەڤەرە ژ دەڤەرێن گرنگە ل ڕۆژهەلاتا ناڤەراست و خودان مێژوویەکا مەزنە، شارستانیەتا ڤێ دەڤەرێ دەربرینێ ژ ڕەسەنایەتیێ دکەت، لەورا وەلاتێن بیانى ب ڕێکا بالوێزخانە و کۆنسلخانێن خۆ گرنگیێ ب شینوارێن مە ددەن.
رێڤەبەرێ شینوار و کەلەپوورى ل پارێزگەها دهوکێ گۆتژى: ''وەلاتێ ژاپۆنێ ب ڕێکا ڕێکخراوا جایکا ژمارەکا خۆلێن شارەزا بوون د کاروبارێن کارێ مۆزەخانێ دا بۆ فەرمانبەرێن مە دێ ڤەکەت، ئارمانجا وان ژى شارەزابوونا فەرمانبەرێن مەیە و سەرەدەریکرن و پاراستنەکا باشتر بۆ مۆزەخانێ، هەلبەت ئەو خولە دێ فەرمانبەرێ مە بەرەڤ ئاستەکێ باشترڤە بەت کوو بشێین پتر خزمەتا شینوارێن خۆ بکەین.[1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (کرمانجی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 314 جار بینراوە
ڕای خۆت دەربارەی ئەم بابەتە بنووسە!