زیندانی سیاسی یێ کورد خەڵکێ باژێڕێ #پیرانشار# ل مافێ ئازادیا ب مەرج و ئازادیێ بێ بەشە. ژبەر کوو پتر ل بیست ساڵان ل زیندانێ و لبن ئازار و ئەشکنجەیا پاسدار و ئیتلاعاتێن ئیرانی تویشی نەخوەشیا دل و ئێش و ئازارا هێستییان بوویە.
ئەڤ چالاکەڤانێ سیاسی یێ کورد ل مەها خەرمانان یا ساڵا 1991 ل دەڤەرا #تەڕگەوەڕ# یا باژێڕێ #ورمێ# هاتە دەستەسەر کرن و پشتڕە ب تومەتا ئەندام بوون د ئێک ل حزبێن کوردی یێن ئۆپوزسیونا حکوومەتا ئیسلامی یا ئیرانی ب 25 ساڵان زیندانێ هاتە مەحکووم کرن و کوتایی یێن ساڵا 2013 پشتی 23 ساڵان دەستەسەر کرنێ، لقا یەکا دادگەها ئینقلابا باژێڕێ ورمێ ب سەروکایەتیا دادوەر چابک حوکمێ زیندانی کرنا عوسمان مستەفاپوور ژبو 35 ساڵێن دن هاتە زێدە کرن.
دەزگەها قەزایی یا حکوومەتا ئیسلامی یا ئیرانێ، حوکما 10 ساڵان زیندانی کرنێ ژبو ڤی هەڤوەڵاتیێ کورد ژبەر شەڕ کرنێ دگەل کەسەکێ ئەندامێ سوپایا پاسدران بسەر ویدە سەپاندییە. عوسمان د دەمێ زیندانی بوونێ ل مافێ ئیزن وەرگرتنێ هاتییە بێبەش کرن و هەیا وێ چەندێ کوو دەزگەها دادوەری و ناڤەندا ئیتلاعاتا ئیرانی، ئزنا پشکداریێ د پرسە و مەراسیمێن ماتەمەینی یێن کەسێن نزیک ژی پێنەدایە. عوسمان مستەفاپوور ساڵا 2013 د نامەیەکێدە ژبو ڕێپۆرتەرێن تایبەت ب مافێن مروڤ یێن ڕێکخراوا نەتەوەیێن یەکگرتی، چاڤدێریا مافێن مروڤ و کومەڵگەها جیهانی و تەڤایا مروڤێن ئازادیخواز یێن سەرانسەرێ دونیایێ داوا دکەت کو ب لێکۆڵین کرنێ ل دەربارێ ڕەوشا دادگەهی و لدەست چوونا ماوێ بیست ساڵان ل ژیێ گەنجاتییا من ل حەپس خانێن کومارا ئیسلامیا ئیرانیدە، نەهێلن کوو لاوێن دن یێن ڤی نشتیمانەی بڤی ئالیەی سەردەمێ لاوینیا وانا ژبەر قسە و بانگەشەیان لدەستێ وانا بچیتن.
ل ڕێکەفتا #07-09-2021# ب سەدەما تویش بوون ب ڤایرۆسا کۆرۆنایێ وەغەرا داویێ کر.[1]