سواڵ کەردەی کیمیان
واچۍ (کیمیا) ی پەی گەنجی و ماڵی و چېوی گران بەهای و بە قیمەتی بەکارمێ، پەی نموونەی جاران واچېنۍ باخ و مڵک کیمیان، چوونکوم باخ سەرچەمەو ژیوای خەڵکی بۍ، وەختو سەمەری گرڎ نۊعە بەرێ بەرهەم ئارۍ و دمای گلېرکەردەیۆشان بە قیمەتێ خاس ورەشېنېشا، یام دارو چناری کە فرە قیمەتی بېیەن، دمای ئانەی گۆرۍ بیېنۍ بڕیېنېشاو بە بارهۊرگېرۍ فاڕێنېشاوە پەی شارە گۆرەکاو قیمەتێ فرەشا دێنۍ پەنە، هەم دیس باخ پېسە لەوەڕگایێ گۆرەی بەکارئامان پەی ئاژەڵی و ڕەشە وڵاخا. ئی گرد سوودۍ پاسشان کەردەن کە خەڵک باخ و مڵکشان بە کیمیا نام بەران.
سواڵ کەر، یام دەربازەکەر، بە بۍ ئانەی هیچ دەسمایەش بۊن، بەبۍ ئانەی یاگێ یام باخ و موڵکێ یام دووکانێ، بە دەربازەکەردەی زەڕێ فرەگلېر کەرۊوە، بڕێ جاریچ پا هەرمانېشە دۊڵەمەڼ بۊن، یام بارو ژیوایش خاس بۊن، هەر پەوکەی واتەنشا سواڵ کەردەی کیمیان.[1]