نامۍ: حەمە جەزا
نامۊ تاتەی: حاجی عەلی بەگ
ساڵۊ پېڎابېیەی: 1949ز
ڕۊ مەرڎەی: #01-10-2010#
یاگۊ پېڎابېیەی: #سلێمانی#
یاگۊ مەرڎەی: سلێمانی
$ژیۋاینامە$
هونەرمەڼ حەمە جەزا کورڕو حاجی عەلی بەگین، ساڵەو (1949ز) جە شارو سلێمانی ئامان دنیاوە، تەمەنێ هەرزەکارینە، (19) ساڵینە ژەنیش ئاردېنە، هامسەرگیریش چەنی خاتوو (گوڵیزار) ۍ کەردەن، بەرهەمو هامسەرگیریەکەیچشا شش زاروڵېنۍ، کە دوۍ کوڕۍ و چوار کناچۍ (تەها، هونەر، ڕېزان، بەناز، ڕۊژگار، هۆزیار) .
هونەرمەڼی دەنگ وەش حەمەجەزا ساڵەو (1969ز) پېوەڼیش کەردەن بە شۆڕشو (ئەیلوول)یۆ، لوانەنە دلۍ ڕیزو پېشمەرگە شۆڕشگېڕەکا، چڼین ساڵۍ درېژەش بە کۊششی چەکداری و پاڵشەنە هونەری نیشتیمانی دان، دماتەر جە تاریخو (23-05-1981) پېوەڼیش کەردەن بە ڕیزو شۆڕشو تازەی گەلەکەیماوە، دماتەر چەنی خانەواڎەکەیش ڕاو دوورە وەڵاتۍ مەگېرانە وەر، جە وڵاتو دانیمارکی نیشتەجایۍ مەبانۍ.
دمای خېزیا مەزنەکەو ساڵەو (1999ز) گېڵانۆ پەی کوردەسانی و دلۍ شارو سلێمانینە نیشتەجا بېیەن، درېژەش دان بە کۊششی نەتەوەیی و هونەری.
حەمەجەزا ساحېبو چڼین گورانیا و سروودە نیشتیمانیان،
بە تەرزێ سروودەکېش هەستو نیشتیمانی و ڕزگاریشان دلۍ دڵ و دەروونو گرد کوردێنە ڕسنان، هاندەرێ بیېنۍ پەی وەشەویسی نیشتیمانی و ژڵېونای گېیانو وەرگیری و تارنیای داگیرکەری.
تاریخو (01-10-2010ز) ، جە تەمەنو (61) ساڵینە بە نەوەشی کۊچی دمایینش کەردەن، جە زیارەت تەڵانو سەیوانی ئەسپەردە کریان.
ئاماڎەکەردەی: ئەسعەد ڕەشید.[1]