ئەی تەۋەنی وارا
دیارەن وارای تەنیا پەی (ۋارانی و ۋەرۋېن) ، بڕێ جاریچ تەپ و تۊز و خوڵە مەواران، ماچان خوڵە وارۊ. فرەو جاری پەی چېوە مەعنەویەکاچ بەکاربریۊن، پەی نموونەی ماچان: (غەزەبو خوڎای وارۊ) ، یام وەختێ خەڵکی مەگنۊ بەڎڕەفتاریۍ و پیس وەری، ماچان هەرخاسەن غەزەب نمەوارۊ!
بەڵام وارای تەۋەنا گونجیا نېیەن، چوونکوم تەۋەنی مادێ قورسەن. چەنی ئانەیچه دلۍ خەڵکینە بېیەن بە ئیدیۆمێ و بەکارش ماران، وەختێ کەسێ چېوێش دەسەنە بەرمشۊ، یام مەگېڵۊ شۊنەو کەسێرە، خەبەرش مڎان پەنەو ماچان ئیسە پېگەرە لوا، ئاڎییچ داخیېنە ماچۊ ئەی تەۋەنی وارا، چەنی نەیاوانۍ پەنەش.[1]