یاڎەوەریەکېم
بەشو: یەرۍ
یادەوەرییەکام دیاربکر.
دیوار و کۊڵەکێ کلیسا و مزگی، تەندیسوو شەقامی جە تاریخەنە، هەزاران ساڵێن دوای دوا و قەسیدێ واناوە. هەیوانەکېشان پەڕەنە قسێ و پەی کەسیچ لچ نمەترەکنۆنە، کە چېش هەزاران کەلەبەرێش چەنە بارە. ڕۊجیار پەنگیابێنە جەستەیش. دیوارێ قەڵاکەی بەزمېوە پەی مەسیحی ۋاچېنێ.
ئی سەرزەمینە پەڕبیەبێ زوانێ و لیپاولیپ جە ڕۊحوو مەسیحی و ئازارە و ڕەنج. تاریخەنە گریان و دلێ هەزاران کونج و دەر و دیوارانە وېش شارتەنەوە. پەنجەرەکاش چڕای چرا ئەو ئازاڎی. دەنگېوە لوا گۊشێمەرە، هەزاران ساڵێ جە من دوور و سەڎان ساڵێ بۍ سەرو شۆن! نە ئاڎ جە من حاڵی بۊنە و نە من جە ئاڎی یاوونە. هەردوەمان تاریخەنە گۊش و دەم و زوانشا بەستێنمێ و جەستەشان کەردێنمێنە شیشێ. ئانە تەوەنە و دیواری بەستەزوانا چەنیت قسێ کەرۊنە. ئانە مەسیحا چەنیت قسێ کەرۊنە و قەشە و خاڎموو مزگی و ئەریچ ڕۊحم ئیجازە بڎۊنە، (سەلاحەدینا). ئیسە کە من زیڼەو ئاڎۍ مەردێ، سکووت بېیەن بە مێمانم و داستانېشا پەنەنێ و ڕەنج و ئازارە.
کۊشکوو (جەوادپاشای) عەزەمەتېوە کە هەزاران ساڵێن کەوتەنەرە گېیانش نەڎان بە حازریا.
بلووکێوە نریان سەرو بلووکێوە، تەۋەنېۋە نریان سەرو تەۋەنېۋە ئەجۊ چەنیت قسێ کەرۊنە.
وەرەتاو دانشەرەو نیمەڕۆ سەرەش زنیان و کەڵەکەکێ کۊشکەکەی ئارەقێ مجێنێ و سەدان ساڵێ بۍ شاڵەکەشان شل و لار و گېڕ نەبییەن. هانەو (هەسەن پاشای) ڕۊحێوە پژگیا و گېیانېوە تازە مڎۊ پەنەما. ئازارەو خیابانامان چەنە مستانۆ و ۋنیمان تەڕ و تازە کەرۊوە، موسیقین جە خیابانەکانە دەمو کوڕ و کناچەیوە گنۆرە و ئاسمانەرە پژگیۆ، ئېمەیچ ڕۊحێوە سەرگەردان و گوم بییە و شاریاوە جە خېیاڵامان و زیڼانی ئەبەڎی جە کەلیماما و تاریخی نەنویسیایمان.
بورهان ئەختەر.[1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (هەورامی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە 163 جار بینراوە
ڕای خۆت دەربارەی ئەم بابەتە بنووسە!