شېر کە پیر بی، مەبۊ بە مەخسەرەو ڕواسۍ
شېر، پاشاو دارسانېیەن، ئازاتەرین و بەهېزتەرینشانە، هیچ گېیاندارێ دەرەقەتش نمێ، ئانەیچ جە تەمەنو گەنجیشەنە، بەڵام وەختێ پیر مەبۊن و ئیتر تەواناو پەلاماردای و ڕاوکەردەیش نمەمەنۊ، ئاوەختە گېیاندارێ پېسە ڕواسۍ هەکە چەمو شېرینە هیچە نېیەنە، تەنیا بە فڕ و فېڵ زیندەگیش گوزەرنۊن، ڕەنگە بگنۊ گاڵتە پەنەکەردەی بە مام شېری.
ئی دیاردەو سرووشت و دارەسانیە بېیەن پېسە ئیدیۆمێ و پا کەسا واچیان هەکە جە تەمەنو گەنجینە قارەمانۍ و چەم نەترسېنۍ، پېسە وەڵینا واتەن ملا ۋڵۆ شېریرە، یام واتەنشا جە جنی سڵ نمەکەراوە، بەڵام وەختێ تەمەنشان ملۊ سەر، هېز و تاقەتشان نمەمەنۊ، پیری زاڵمەبۊ ملشارە، ئیتر خەڵکۍ تەرسەزاڵۍ و نامەردۍ مەگنا کاڵتەپەنەکەردەیشان و تالېق دای وەنەشان.[1]
ئەم بابەتە بەزمانی (هەورامی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە 422 جار بینراوە
ڕای خۆت دەربارەی ئەم بابەتە بنووسە!