عومرو پیرە مەیێش مەنەن
مەیە، گېیاندارێ شۊتدەرەنە، دلۍ ئا ئاژەڵانە کە ماڵیېنۍ و خەڵک وەیشان کەرۊن ژمارەشان جە گردی فرەتەرەن، چوونکوم پەی شۊتەکەیشان، هەم پەی گۊشتی و هەم پەی بەچە ۋستەیۆ.
مەیە وەختێ پیرە بۊن ئیتر پۊشۆ دیارەن، خەڵک فرە تالبو گۊشتەکەیش نېیەن، ماچان: گۊشتو مەیە پیرېن نمەگریۊ. وەختێ مەیاوۊ ئا تەمەنە ئیتر دیارەن تەمەنش ڕوەو کۊتای ملۊ، یانی جە مەردەی نزیکەنە.
پېسە ئیدیۆمێ بەکارئامان پەی ئا کەسا کە لوێنی تەمەنۆ، پیرۍ بیېنۍ و نەوەشی چەمنێنێ، بەڵام بڕێشا گەرەکشان نېیەن دڎانی بنیان پیریشارە، هەر پېسە تەمەنو گەنجی ڕەفتار کەران، بەڵام خەڵک پەنەشان ماچۊ: کورە بابە خەریکو چېشیەن، فەقیرە عومرو پیرە مەیێش مەنەن.[1]