لاچەمێو پەی سیاوچەمانەو هۆرامانی
هەرمانە پەی زوان، فەرهەنگ و هونەر و هۆرامانی، ئەوپەڕوو شانازیا و ئەرکوو سەرو شانەو گردیمانە پەی گەشەدای و ژووژنایەو فرەتەرو هونەرو گۊرانیا، تایبەت سیاوچەمانە کە تاریخ و ۋېیەردەش فرەتەرا و متاومۍ ۋاچمۍ یۊ جە بنەڕەتەکاو فەرهەنگوو هۆرامانیا، ئەر لاچەمېو بڎەیەمێ پەی دۆروبەریما و جە باری هونەریەو هەرمانە و هەرمانەفەرهەنگیەکاو زوانەکاتەری سەرەنج بڎەیمۍ، پەیما بەرگنۆ هەرکام فرەتەر زەحمەت و ئەرکی فرەتەرش کیشېیابۊ پەیش، پېشوازیش فرەتەر چنەش کریان، سیاوچەمانە پەی گردو هۆرامانی و یاگەکاتەریچ ئەژناسیان، ئینه بېیەن یۊ جە شانازیەکاو هۆرامانی کە ڕېخەش گېڵۆوە پەی ۋېیەردیوی فرەتەر دوور کە پېسەو دوعا و وەشەویسی پەی خوڎای و دۆسی چنی سرووشتو هۆرامانی فرەتەر دیاریش دان کە نموونەش جە دەورانو زەردەشتی و وەڵتەریچ جە سینەو تارێخی و جە دەنگ، هەناسەو سینەو هونەرمەندەکاو سیاوچەمانەیەو یادگار مەنەنەو پەی فرەتەر ئەژناسنایش ئەوەجەش بە مانیای فرەتەر جە لاو هونەرمەندەکاو ئارۊین کە ئی یادگارەیێ عال و ڕېک و پێک، پارێزناش و جە شێعرەو شاعێرە پایەبەرزەکاما قازانج و بەهرە بەرا.
سیاوچەمانە واچۊ ئارۊی مشۊم ڕاو کەسایەتیەکاو هونەرو سیاوچەمانەی پېسەو مامۊسایا:حێڎەر نۆتشی، عوسمان هۆرامی، موحەممەد حسەین خالێدی، جەمیل نەوسووڎی، شەفێع کەیمنەیی و ...هتد، گېرۆنە وەر و پەی ئەوەژووژیای فرەتەرو هونەرو تایبەتو هۆرامانی، هەنگام و لاقۆرێ فرەتەر هۊر گېرۆ.
هومایون موحەممەدنژاد.[1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (هەورامی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە 233 جار بینراوە
ڕای خۆت دەربارەی ئەم بابەتە بنووسە!