نامۍ: ئەردەڵان
نازنام: بابا
ساڵۊ مەرڎەی: 606کۊچی
یاگۊ مەردەی: پاڵنگان
$ژیواینامە$
بەپاو سەرچەمە وەڵین و تاریخیەکا بابا ئەردەڵان وەڵینێوە دیارو ئاشکەراش نېیەن، چوونکوم سەردەمو ژیوایش فرە کۊنەن، ڕۊشن نېیەن، هەم سەرچەمۍ باوەڕپەنەکریێ نېیەنۍ وەردەسەنە.
ئانەی کە دلۍ بڕێ سەرچەمانە نویسیان و مەنەنۆ، کەمێ زانیاریۍ چانېشانۍ، یانی بنەماشان ڕەنگەن، یام پاسەماچانەن، ئانېچە بنەمێوە زانستییەشا نېیەنەو یەقین شموولشان نمەکەرۊن.
بە هەرحاڵ، ئەردەڵان ماوێ فرە دلۍ موسڵی و دیاربەکرینە ژیوان و سەروک خېڵ بېیەن، دماتەر بە قەدەرو خوڎای چەنی دەسێ جە تایفەو کەسە نزیکەکاش کۊچش کەردەن پەی شارەزووری، چاگە نیشتەجا بېیەن، وەرە وەرە بنەش کوێنەرە، دەسەڵاتش پېڎا کەردەن. ساڵەو (564) کۊچی یەکەم دەسەڵاتو حکومەتێش مەرزنانەرە، دلۍ قەڵاو زەڵمینە دیوان سەراو دەسەڵاتەکەیش بنیاڎە نیێنە، ئیتر چاگۆ پەلېش شانێنۍ پەی چواردۆریش، فرەو خاکو کوردەسانیش ۋستەن چېرو دەسەڵاتو وېش. دماتەر دەسش یاوان (پاڵنگان) ی، چاگەیچ قەڵێوە مەحکەمەش بنیاڎە نیێنە، وېچش ئامان پەی ئاگەیە، تاکو ئیسەیچ یاگۍ قەڵاو دەسەڵاتەکەیش مەنېنە. پەی چل ساڵا دەسەڵاتش پیاڎە کەردەن. وەختێ دەسەڵاتو جەنگیزخانی یاوان ئا مەملەکەتە، بە فەرمانو جەنگیزخانی ناوچەکانو (حەریر و شارباژێڕ و ڕەواندوز و ئامێدی)ش پەی دلۍ سنوورەکەیش زیاڎ کەردەن. ساڵەو (606 ک) کۊچی دمایینش کەردەن.
ئەسعەد ڕەشید.[1]