جە یاڎو کۊچی دمایینو مامۊسا صەباح هۆرامی
ئارۊ (8-9-1402) کەڵەهەرزی کۆچی ڕۊجیاری وەراوەرا چەنی کۆچی ئەبەد٘ی دەنگ وەشی نامیەی، مامۊسا صەباح هۆرامی/خارگېڵانی.
مامۊسا صەباح یۊ چا هونەرمەند٘ە دەنگ وەشانە کە تاکو ئەبەد٘ ویرەوەری خەڵکوو هۆرامانینە مەنۆوە و جە یاد٘ نمەشۆ.
مامۊسا سەباح ساڵهای ساڵ بە دەنگە وەش و ڕەسەن و بێگەرد٘ەکەیش چە جە جل و بەرگوو پێژمەرگایەتینە، چە جە ئاوارەیی و دەربەدەرینە، چە جە نەد٘اری و کەم دەسینە بە ئەوەپەڕوو ڕەشاوەتی و سەخاوەتی خزمەتش کەرد٘ بە هونەرو هۆرامانی و هیچش درێغ نەکەرد.
مامۊسا صەباح پېسە ماباقی هونەمەندەکاو هۆرامانی عاشق و ئەراگېڵوو هۆرامانی و فەرهەنگوو هۆرامانی بۍ و هیچ گوڵێ و هیچ هەوارگێ و هیچ کەشێ نەبېیەن بە دڵ نەلاونۊش و نامېش نەبەرۆ و ئینە تەنیا وەشەویسی وەتەنین پېسە دڵوو ئی گەورە پیایا مارۆوە جۆش تاکو بە سوینەو عەشقی وەتەنی ئازیزیشا لاونا.
داخەی گرانەم مامۊسا صەباح جە هەڕەتو جوانی و دەنگ وەشیشەنە ئەجەلی مۆڵەت نەد٘ا پەنەو چەنەش ئەسایمێ و کۊڵێ مەراقش نېیا سەرو دڵیماوە و هۆرامانش بۍ ناز کەرد٘.
ئېمەیچ پېسە عەشرەشتوو دەنگو هۆرامانی داواو ڕۊحی شاد٘یش پەی کەرمۍ و دایېم داخدارێشەنمێ.
دەنگو هۆرامانی.[1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (هەورامی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە 123 جار بینراوە
ڕای خۆت دەربارەی ئەم بابەتە بنووسە!