کۊنیشتو پەردەلادای جە کتېبە شېعرو (پېسەو پەنابەری)
کۆنیشتو پەرڎەلادای جە کتېبە شێعرو(پ پېسەو پەنابەری) تازەتەرین کتېبە شێعروو فەرشید ڕۊستەمی بریا ڕاوە
هېزی ڕۊدیاروو (8)و کەڵەهەرزی، ئەنجومەنی فەرهەنگی_ئەدەبی ڕۊجیاری، شاروو مەریوانینە، کۆنیشتێوەش پەی پەرڎەلادای جە کتېبە شێعروو (پېسەو پەنابەری) تازەتەرین کتېبە شێعروو فەرشید ڕۊستەمی بەرد ڕاوە. ئی کۆڕێ بە بەشداریو فرێوە جە چالاکاو فەرهەنگ و ئەدەبېیاتوو هۆرامانی لوا ڕاوە و دلێ بەرنامەکەینە، شۆنوو وەنایوەو پەیاموو ئەنجومەنوو ڕۊجیاری، پەنێلێوە بە بەشداری مەهدی ئەبری و کورش ئەمینی ڕیک وزیا و هەرکام چی بەڕېزا ئەوەوانای وېشا کەردشا پەی کتېبەکەی. هەر پاسە سوهەیب عەلی، مەهوەش درۆستکار و ژوان ڕەحیمی شێعرەشا پېشکەشو مێمانەکا کەردە.
کۆتایی کۆڕەکێوە، چەنوو پەرڎەلادای جە کتېبەکەی، فەیسەڵ ژیواری بە پېشکەش کەردەی چن گۊرانیێ ڕەسەنێ مەحاڵوو هۆرامانی، ڕەنگینیېوە تایبەتش دا بە کۆنیشتەکەی.[1]