کامەران موکری ناڤێ وی (محەمەد ئەحمەد تەها) ، ژدایکبوویێ 1929، ل تاخا دەرگەزێن یا #سلێمانی#ە، هوزانڤانەکێ کورد بوو. ل ساڵا 1954 دەست ب نڤیسینا هەڵبەستان کرییە. ساڵا 1957 ناسناڤێ (کامەران) هەلبژاردییە، پشترە موکری کرییە پاشگرێ ناسناڤێ خوە ژبەر کوو بنەجها خێزانا وانا ل موکریانێ بوویە.
ماڵباتا کامەران بنەجها وانا ڤەدگەڕت ژبو دەڤەرا موکریان. بەریا نها ماڵا خوە ڤەگوهاستییە پشدەر و پشترە هاتینە سلێمانی و لوێرێ ژیاینە. کامەران برایێ هوزانڤانێ کورد ئەخۆلە ژ دایکێڤە. =KTML_Photo_Begin=https://www.kurdipedia.org/files/relatedfiles/2008/373/0006.JPG=KTML_Photo_Alt=کامەران موکری=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/373/0006.JPG=KTML_Photo_End=
خوەندنا شەش ساڵێن دەستپێکی ل قوتابخانەیێن سلێمانی و پشتڕە هەیا پولێن دوماهیکا ئامادەیی بوویە، لێ ژبەر چەند ئەگەرەکان تمام نەکرییە. ل دەستپێکا ساڵا 1949 هاتییە گرتن. ماوێ نێزی شەش ساڵان (1949-1963) ل بەندیخانێن جودە یێن ئیراقێ دەستەسەر بوویە. ل پشتی کودەتایا سەربازی یا 14ێ تەمموزا 1958 یا بەغدایێ دەست ب خوەندنا خوە کریەڤە. ل ساڵێن 1960-1961 سەرنڤیسەرێ گۆڤارا ڕۆژی نوێ بوویە ل سلێمانی. ل پشتی کودەتایا فاشیستی یا 8ێ شوباتا 1963 و ب درێژاییا ساڵێن شێستا یێن سەدەیا بیستێ دەنگێ کامەران کپ ببوو، وەکە تەڤایا ڕەۆشنبیرێن دن. ل دوماهیکێ ل پشکا زمانێ کوردی یا کۆلێژا ئەدەبیات یا زانینگەها سلێمانی ب ماموستایێ موحازر ژبو ئەدەبا کوردی دامەزریا. هەیا دوماهیکا ژیانا خوە لسەر ڤی کارەی ما. لدەمێ ڤەگوهاستنا زانینگەها سلێمانی (1982) ژبو هەڤلێرێ و گوهڕینا ناڤێ وێ ژبو زانینگەها سەڵاحەدین کامەرانیش مالا خوە ڤەگوهاستە هەڤلێرێ. ل ڕێکەفتا (7ێ کانوونا ئیکا 1986) ل باژێڕێ هەڤلێر وەغەرا داویی کرییە و ل باژێڕێ سلێمانی ل گردی سەیوان هاتییە بخاک سپاردن.
کامەران موکری، ل تەڤایا خوەپیشاندانێن وی سەردەمەی یێ باژێڕێ سلێمانی پشکدار و هەردەم یێ پێشەنگ بوویە. هەر ل خوەپیشاندانان ژی ئێکەم کەس بوو کو ژبو باژێڕێ سلێمانی ناڤێ (هەڵمەت و قوربانی) هەلبژارد ، دەمێ کو ل خوەپیشاندانا سلێمانی دژبەری پەیمانا (پۆرتسمۆس) گوتارەک ب دەنگێ بڵند خوەند و گوتی: ئەی جەماوەرێ ب شەرەفێ باژێڕێ هەڵمەت و قوربانی. ل بوارێ وانە گوتنێ دە شیانەکە باش هەبوویە، ئەگەرچی پلەیا خوەندنا وی ئامادەیی بوو.
هەیا کو ل ژیانێدە مابوو حەفت دیوانێن هەلبەستێن وی هاتینە چاپ کرن، دناڤبەرا ساڵێن 1945-1972، دیارترین دیوانێن وی (ئاشتی، دیاری، ئاگر و ژیلە و گوڵاڵە سوورە) بووینە و ل پشتی مرنا وی ل ساڵا 1987 تەڤایا هەڵبەستێن وی ل پەرتووکەکێدە ب ناڤێ (کامەران موکری) هاتییە کۆم کرن و چاپ بووینە. سەرباری هەلبەستان کامەران موکری چیرۆک نڤیس ژی بوو. ل ڕۆژا #07-12-1986# ل باژێڕێ هەڤلێرێ و ل هۆتێل مێرگەسوور، د ژیێ 57 ساڵیدە وەغەرا داویێ کر و ل ڕۆژ #08-12-1986# دا ل باژێڕێ سلێمانی هاتە بخاک سپاردن.