پەيکەرو ۋەزۍ
نویستەی: #کۆيار ڕەئوف#
لامنۆ تەنيا وەزی نيەنە، پەيکەرەکە دوێ پەيکەرېنێ و چن مانێوەش هەنە.
پەيکەرو وەزەکێ تەۋېڵۍ هەرمانێوەنە جەهەرمانە زەريفەکاو مامۊسا هونەری ، بەشێوازيوی فرە زەريف و وردەکاری فرەوە هەرمانەکێ کريێنە، تەنيا ئاکەسێ جە زەريفی و فرە مانايی ئا هەرمانێ ياوانە کە هونەرمەندێ با، يام شاعێرێ يا هەستشا جياوازبۊ و جە ياگە جياجياکاوە تەماشەو پەيکەرەکەی کەران.
ئاپەيکەرە لا منۆ دوێ مانېش هەنێ، يانێ دوێ پەيکەرېنێ ، يۆشا پەيکەرو وەزێن کە سيمبولو هۆرامانيا پسەو ئاشناسياو ياگەکێ جەڕۆ بەرهەم و واريداتيۆ .
پەيکەرو دوەمی، يام ماناو دوەمی، ئەر وردێ بيمێ جە پەيکەرەکەی تەماشە کەرمۍ کە وەزەکێ شێوەو شکڵێو چۆڕچەم و باڵندەی يان مريچڵێش چەنەن، ڕەنگای لا منۆ بەپاو دياو چەماو من مريچڵۍ بۊ، ڕەنگای لا تۆوە بەچە مريچڵەبۊ ياهەر باڵندېوی تەر، گرنگ نيا ئانە، بەڵام ئانە گرنگا کە بيجگە وەزەکێ مانێوەی تەرەو پەيکەريوی تەر وينمێ جە هەرمانەکێنە
دەم و چەمو مريچڵەکێ يام باڵندەکەی لامنۆ ئاماژەن پەی سروشتو هۆرامانی و پەی کەلتورو هونەرئ هۆرامانی جياواز جە هونەو پەيکەرسازی، ئاڎییچ هونەرو دەنگ وەشی و ئاوازيا کە هۆراميەکێ بە درێژايی تارېخوی پسەو باڵندەکا هۆرامانەنە گۊرانيشا واتێنێ و ژيانشا وەش کەردەن و دڵوەشيشا بەخشانۆ، سروشتشا پەڕ کەردەن جە ئاوازێ وەشێ.
ئی هەرمانێ فرە هۊرگېرۊ سەرش بنويسی، من بە تەماشە کەردەو هەرمانەکێ پېسە جە پەيکەرو وەزەکێ ياوانێنە، لامنۆ پەيکەرەکە زياتەرا جە پەيکەرو تەنيا وەزێ.[1]