دۆڕاندنی خۆت لە هەر پەیوەندییەکدا بەو واتایە دێت کە خەون و ئارەزووەکانت دەکەیت بە قوربانی و چیتر هەوڵی بۆ نادەیت، هەموو مەبەستێکت تەنیا ڕازیکردنی بەرانبەرەکەت دەبێت، تەنانەت بیرکردنەوە و وزەکانیشت بۆ بەرانبەرە و هەست بە بوونی خۆت ناکەیت، کە ئەمەش کارێکی هەڵەیە و زۆر کات ئەنجامەکەی نەرێنی دەبێت و پەشیمانی لەدوا دەبێت.
=KTML_Bold=چەند هەنگاوێک یارمەتیدەرت دەبێت بۆ ئەوەی چیتر خۆت نەدۆڕێنیت.=KTML_End=

1. خودی خۆت بمێنەرەوە، هەوڵمەدە کەسایەتی و ڕەفتاری خۆت بگۆڕیت تەنیا بۆ ئەوەی بەرامەرەکەت تۆی قبووڵ بێت و ڕەخنەت لێ نەگرێت.
2. پێویستە بزانیت کە تۆ ژیانی خۆتت هەیە، ڕاستە کە پەیوەندییەکت هەیە و کەسێک بوونی هەیە لەناو ژیانت، بەڵام ئەوە واتای ئەوە نییە تایبەتمەندی خۆتت نەمێنێت.
3. خۆت بناسە، بزانە چیت دەوێت و دەتەوێت چۆن بیت، بەها، خەون، ئاست، حەز و ئارەزووەکانت بناسە.
4. کات بۆ هاوڕێکانت دابنێ، چونە ناو پەیوەندی با وات لێ نەکات بەتەواوی هاوڕێکانت پشتگوێ بخەیت.
5. ڕێگە بدە بەرانبەرەکەت تێبگات لەوەی کە خەون و ئارەزووت هەیە و دەتەوێت هەوڵیان بۆ بدەیت، گفتوگۆکردن لەوبارەیەوە بە دەرئەنجامێکی ئەرێنیت دەگەیەنێت.
6. لە هەموو پەیوەندییەکدا بەخشین و وەرگرتن هەیە، پێویست نییە هەمیشە خۆت بکەیت بە قوربانیی لە کاتێکدا بەرانبەرەکەت هەمان کار بۆ ئەنجامنەدات، زیادەڕەوی لە بەخشیندا مەکە. [1]