ژەنێ هۆرامییە خەڵاتو مافەکا ئانزانیش پەنەدریا
(هێرۆ وەکیڵ)ە، خەڵکو دەگاو بەڵخەی جە هۆرامانو لهۆنی، تاواش خەڵاتو ژەنە پاڵەوانەکی ژیوگای پەی ساڵەو (2023ز)ی بەدەس بارۊ، هەکە جە لاو سەنتەرو جنێڤیۆ پەی مافەکاو ئانزانی.
گرد ساڵێ جە ڕۊ جەهانی مافەکا ئانزانینە کە (10) و مانگۍ کەرۊ، بەیاڎو دڎان نیای جاڕنامەو جەهانی مافو ئانزانیرە جە ساڵەو (1948ز)ینە جە لاو کۊمەڵەو گردینو نەتەوە یۆگیرتەکاوە بریۊ ڕاوە.
ساڵەو (2021ز) سەنتەرو جنێڤی خەڵاتو دڎان نیاپورەو مافو ئانزانی ئەژناسیا بە (HRRA) پەی یاڎ کەردەیۆ ئا یاڎەیە مەرزنارە
جە ڕوو جەهانی مافو ئانزانینە.
خەڵاتەکە ڕیزگېرتێن پەی هەوڵە نەمانیاکا ئا کەسا کە هەرمانەکەرا پەی بەردەوەڵۍ و پاریزنای مافو ئانزانین سەراسەرو جەهانینە.[1]