بەرپرسێکی پارتی لە سنووری #شەنگال# ئاماژە بۆ ئەوە دەکات، بەپێی ئەنجامە بەراییەکان #پارتی دیموکراتی کوردستان# دەنگی یەکەمی ھێناوە لەسەر ئاستی شنگال و دەڵێت: ئاستەنگ و ڕێگریش ھەبووە لە بریکارەکانی پارتی.
ئیدریس زۆزانی، بەرپرسی ھەڵبژاردنی پارتی لە شنگال، ڕایگەیاند: تا کاتژمێر 4ی ئێوارە ڕێژەی بەشداری لە سنووری شنگال زیاتر لە 36% بووە، بەڵام لەلایەن ھەندێک ھێزی شنگالەوە ئاستەنگ بۆ بریکارەکانی پارتی درووستکرا، واتا بەھۆی ئەو ڕێگریەی لە بریکارەکانی ئێمە دەکرا و بەھۆی فشاری ھەندێک ھێزی سەربازی لە دەڤەری شنگال زانیاری ورد نەدەگەیشتە حیزب.
لەبارەی ئەنجامەکان ئیدریس زۆزانی دەڵێت: سەرەڕای ئەو ھەموو ڕێگری و فشارانەی ھەبوون، لەگەڵ ئەوەشدا لیستی پارتی لە سنووری دەڤەری شنگال بە پلەی یەکەم دێت و خەڵکی شنگال جارێکی دیکە دووپاتیان کردەوە دڵسۆز وەفادارن بۆ پارتی و بارزانی، چونکە سەرەڕای ڕەوشی نائاسایی شنگال ھێشتا شنگالییەکان ئامادە نین دەست لە پارتی بەردەن. [1]