ماستەرپلانو شارەکڵەو بیارۍ
ئاماڎەکاری پەی وەش کەردەو ماستەرپلانو بیارۍ دەسش بەهەرمانەکاش کەرد.
سەرۆکو شارەوانی بیارۍ زانا حمەشریف سعید جە پەلیانەو فیس بووکو ویشەنە نویستەنش :
ڕوو یەک شەممەی (17-12-2023) بە ئاماڎەبېیەی خێڵان عبدالرحمان میرزا حسنی ڕاوەبەرو گردینو شارەوانەیەکا هەڵەبجەی و سەرۆکو شارەوانی بیارۍ و وەرپەرسو پلان نیارەی سەردانێ میڎانیشا پەی سنورو شارەوانی بیارۍ کەرد پەی ئاماڎەکاری وەشکەردەی ماستەرپلانێ بریو ڕاوە جە چوارچېوەو پیمای و وەش کەردەی ماستەرپلانو سنورو ڕاوەبەرایەتی گردینو شارەوانیەکا هەڵەبجەی.
هەرمانەکۍ ویش جە نیارەو کۆنترۆڵ پۆینت و پیمای و بە جی پی ئێس کەردەی و پیمانەکەردەی عاسمانی پەی سنورو سەرۆکایەتی شارەوانی بیارۍ وینۊوە کە جە ئیسەنە کەوتەن بوارو جابەجاکەردەیۆ و گرنگیێ تەمامش هەن پەی مەنتیقەکەی جە دماوەختەنە جە ڕوەو گیڵیاریۆ و ڕېکۋستەی نەخشەو شارەوانی بیارۍ.[1]