هەر لە درێژەى سەردانەکەیدا بۆ #بەغدا#، ئێوارەى ئەمڕۆ یەکشەممە #14-01-2024# بەڕێز #نێچیرڤان بارزانى#، سەرۆکى هەرێمى کوردستان، لەگەڵ بەڕێز هومام حەمموودى، سەرۆکى ئەنجوومەنى باڵاى ئیسلامیى ئێراق کۆبووەوە.
لە کۆبوونەوەکەدا باسیان لە دۆخى ئێراق بەگشتى کرد و داکۆکییان لە پاراستنى سەقامگیریى وڵات و بەدوورگرتنى لە لێکەوتەکانى شەڕ و ئاڵۆزییەکانى ناوچەکە کردەوە، هەروەها هاوڕا بوون لەسەر چارەسەرکردنى کێشەکانى #هەولێر#-بەغدا و مسۆگەرکردنى مافەکانى هەمووان.
گرنگیى هاریکاریى نێوان لایەنە سیاسییەکان بۆ بەرەنگاربوونەوەى ئاڵنگارییەکانى ئەم قۆناغە، تەوەرێکى دیکەى کۆبوونەکە بوو. [1]