#مەسرور بارزانی# سەرۆک وەزیرانی هەرێمی کوردستان سەردانی ئەکادیمیای سەربازی شاهانەی ساندهێرست لە بەریتانیا دەکات و ڕایدەگەیەنێت، بەریتانیا هاوبەشێکی بەهێزی هەرێمی کوردستان و ئێراقە.
سەرۆک وەزیران مەسرور بارزانی ڤیدیۆی سەردانەکەی بۆ ئەکادیمیای سەربازی شاهانەی ساندهێرست لە بەریتانیا لە تۆڕی کۆمەڵایەتی ئینستاگرام بڵاوکردووەتەوە و نووسیویەتی: بەریتانیا هاوبەشێکی بەهێزی هەرێمی کوردستان و ئێراقە.
هەروەها نووسیوویەتی: لە سەردانمدا بۆ ئەکادیمیای سەربازی شاهانەی ساندهێرست، گرنگیی هاریکارییەکانی بەریتانیام بۆ چاکسازییەکانی پێشمەرگە بەبیرهاتەوە.
لە سەرەتای شەڕی #داعش#ەوە، بەریتانیا ژمارەیەک ڕاوێژکاری سەربازی لە ھەرێمی کوردستان جێگیر کردووە کە مەشق بە ھێزەکانی پێشمەرگە دەکەن. [1]