کورد دلۍ چەرخەکا تاریخینە
بەشۍ: چل و هەشتەمە
نویستەی: #هاوڕێ باخەوان#

ساڵەو (16 ز): ئەچی ساڵېنە فەرمانڕەوایی میدیای گولانەی ئەردەڵان دەسش گېرتی سەرو تەختو ئێرانیرە و پاشاکەش ڕەما پەی ئەرمەنستانی.
ساڵەو (69ز): ئەچی ساڵېنە ئەرمەنییەکۍ بە سەرداری تیگرانی پەنجەم پەلامارەو کوردەسانیشان دا، یام وەڵاتو ئەدیابینی، بەڵام نەتاواشان ناوچەکەی داگیر بکەران.
ساڵەو (115 ز): ئەچی ساڵېنە چڼین قومیێو کارەساتێ ڕوەشان دێنە، پی جۊرە:
هۆلېر بېیەن مێڎانو جەنگو میانو ڕۊم و فارسەکا، ئیمپراتۆر تراجان ڕۆمش داگیر کەردەن.
هەر ئەچی ساڵېنە دۆڵەتو ئەرمەنستانی بە سەرداری (دەکرانی دوەم)ی دەسش گېرت سەرو وەڵاتو کوردۆئینیرە، کە کۆتەبۍ سەرو کەنارو چەپو ڕۊخانەو دیجلەی و پاشاکەیچشان کە نامېش (زاربیۆنیس) بۍ، کوشېیا.
هەر ئەچی ساڵېنە ماوەو فەرمانڕەوایی مانیسارۆس دلۍ وەڵاتو کوردۆینینە بېیەن.
هەم تراجانی ئیمپراتۆرو ڕۆمانی بە سوپێوە گۆرېوە دەسش گېرت سەرو وەڵاتو کوردانی و ئەرمەنستانیرە.
چی ساڵېنە سەرۆکو کوردوئینی نامېش (مانیساروس) بېیەن، کە سەرزارەکی وەڵاتو ئەرمەنیچش چېرو دەسانە بیەن.
هەر ئەچی ساڵېنە، یانی (115 ز) میرێ کوردوئەنی دژو ئەرمەنی خېزیا و ڕاپڕا.
ئەسعەد ڕەشید.[1]