کورد دلۍ چەرخەکا تاریخینە
بەشۍ: شەسس و ششەمە
نویستەی: #هاوڕێ باخەوان#
ساڵەو (997ز): ئەچی ساڵېنە میر محەمەڎو هەکاری دلۍ قەڵاو (بای)نە کۊچی دمایینش کەردەن.
ساڵەو (998ز): ئەچی ساڵېنە جە شارو بەغڎای نازنامو ناسرولدەولەی دریا بە بەدر کوڕو حەسنەوی.
ساڵەو (1010ز): ئەچی ساڵېنە ئەبو فەتح کوڕو عەیاری کە فەرمانڕەواو قومش و شارەزووری بېیەن، کۊچی دمایینش کەردەن. هەر ئەچی ساڵېنە شاعېری گۆرە و نامڎار، بابا تاهیری هەمەڎانی کۊچی دمایینش کەردەن.
ساڵەو (1011ز): کوشیای ئەبو سەعیڎ مەنسووری جانشینو شابازی، بە دەسو شروە کوڕو (ماس)یۆ.
ساڵەو (1014ز): هېرشو بەدر کوڕو حەسنەویەی پەی سەرو قەڵاو کوسجەدی، بەڵام نەتاواشان قەڵێکۍ بگېران و مەڕیێ. هەر ئەچی ساڵېنە بەدر کوڕو حەسنەویەی و هیلال کوڕو بەدری، کە تاتە و کوڕ بېنۍ، فرە ناتەبێ بېنۍ و لەشکەرشان دژو یۊترینی خېزنان.
ئەسعەد ڕەشید.[1]