ئەقڵ و ئاوەزو هۆرامیەکاچ قۆمیۆش وەنە
چاڕوۆن کە توریستی ناحاڵی چەنی جیلو تیکتۆکەریو، ئینستاکەری و سلێبرێتی هۆرامانشا کەرد یاگێو غارغارانێو، وێئەرمانای، گی بزانوو عەقڵو هۆرامیەکاچ قۆمیۆش وەنە.
ماچا پەرۍ نیمەڕۆ چن هەزار کەسېو جە هۆرامانی تەخت بۊنەو جەژنەو پیرشالیاریۆ جەمئ بیېنېوە. بەشێوی فرێشا مێمانێو بەروو هۆرامانی بیێنئ.
تاقەدارېوی زەریفیچ بېیەن، کە هامساو یانەو پیرشالیاری بېیەن، و دەیان ساڵێن بە عارەق و زەحمەت و مانیای فراوان یاوان پەنەو گرد ساڵێو وینەرو چەمڎاریکەرو جەژنەکاو پیری بېیەن.
چی بەینەنە میمانێوی غەوارە کە بە فارسیچ قسئ کەرۊ، گەرمەگلاراوش بېیەنو، پەی ئانەی جەژنەکئ خاس تەماشە کەرۊ، پڕان سەرو دارەکەیو، دمایی لنگاوقوچ بېیەن و کۆتەنە وار!
چی بەینەنە بڕېو جە هۆرامیەکاو هۆرامانی جیای ئانەیە بنیشارە ڕاچارێو بېزاوە تاکو جاریتەری مقەدەری چامنە ڕوە نەڎۆ، هۆرسێنئ مشارشا ئاردەن و دارەکەشا بڕیەن!
جیای ئانەی واچا کاکەی توریستی خوای ناردە ئانە یاگێو تەماشەیو، ویدئۆ گېرتەی نېیەنە، ئامێنی ئا تاقە دارەشا بڕیەنۆ کە دەیان ساڵێن ئەڎا و تاتەیشا ئاوی دان.
ئاخر شمە کە وېتا بە میراسگەرێو پیریو، ئایین و زەردەشتی مزاندئ ئاگاتا چەنەن بێڕېزی کەردەی بە سروشتیو، ئەوەبڕیەی درەختی سۊزی گۆناحا؟
ئازیزا چی مەسەلێنە دیار من تەنیا هەدەفم خۆدو ئی دارەیەو، تەنیا ئی حاڵەتە نیا، بەڵکوم بەرجەستە کەردەیۆ ئا هەرەسە فیکریێنە کە گردو مەحاڵەکەیش گېرتەنۆ، هۆرامانیچ چی گڕئ سالم بەرنمەشۆ.
هەردوئ ویدئۆکەم جە کۊمێنتەنە نیێنېرە.
هەم ئەرەکۆتەی کابرای، ، هەم ئەوەبڕیەیو دارەکەی.[1]