کورد دلۍ چەرخەکا تاریخینە
بەشۍ: نەوەڎ و دوەمە
نویستەی: #هاوڕێ باخەوان#
سالەو (1590ز): چی ساڵ و سەدەنە چن تاریخێ تۊمارۍ کریێنۍ، پی تەعرە:
فەقێ تەیران، شاعېرو کوردی ئامان دنیاوە.
حوسێن پاشا سەرو فەرمانو سوڵتانی، چەنی میر موحەمەڎو گۆرەو حەزۆی، سوپێوەشا جە موسڵۆ ئاردە سەرو شارو جزیرەی.
کۊچی دمایینو سڵێمان بەگ میرو سۆرانی.
هېرشو شاعەباسی سەفەوی پەی سەرو دۆڵەتیار خەلیل خانو سیامەنسوری، بەڵام سەرکۊتە نەبییەن.
ڕۊ (21) مانگەو یەرۍ ئی ساڵېنە پێمانێ مېیانو سەفەوی و عوسمانینە دلۍ ئەستەمبوڵینە مۊرەکریان، بەپاو ئا پێمانەیە لوڕستان و شارەزوور کۆتۍ دەسو عوسمانییەکا.
ساڵەو (1591ز): ئەچی ساڵېنە فەرمانڕەوایی چەمشکزک جە ناوچەو دەرسیمینە ۋڕان.
ساڵەو (1592ز): ئەچی ساڵېنە یوسف یاسکەی شاعیر ئامان دنیاوە. هەر ئەچی ساڵېنە شاباز کوشېیان بە دەسو براکەیش، ئیتر تەمامو کوردەکانو ماهی دەشتیش ۋستۍ چېرو دەسا وېش. هەر ئەچی ساڵېنە یام ساڵەی دمایینەنە حوسێن بەگ جانپۆڵاد بە فەرمانو سوڵتانی عوسمانی بېیەن بە میرو (کلیس) ی.
ساڵەو (1593ز): یام ساڵەی دمایینە، هەمزە بەگ زەینەڵ بەگ ناوچەو سەندوسی سەر بە مەراغەیش دریا پەنە.[1]