ناونیشانی بابەت: تاپ بلۆک TAP block چییە؟
ناوی نووسەر: د. #کەژان کاوە تەها#

تاپ بلۆک تەکنیکێکی نوێیە بەکاردەهێنرێت بۆ کەم کردنەوەی ئازاری دوای نەشتەرگەری بۆ نموونە نەشتەرگەری منداڵبوون، کە بریتییە لە بلۆککردنی هەستەوەرەکانی ناوچەی سک، لەژێر ئامێری سۆناردا ئەنجام ئەدرێت و وادەکات نەخۆشەکە هەست بە ئازاری دوای نەشتەرگەرییەکە نەکات.
=KTML_Bold=بەگشتی بۆ ئەم نەشتەرگەرییانە بەکاردەهێنرێت:=KTML_End=
1-نەشتەرگەری منداڵبوون.
2-نەشتەرگەری لابردنی منداڵدان.
3-نەشتەرگەری ڕیخۆڵە.
4-نەشتەرگەری ڕیخۆڵە کوێرە.
5-نەشتەرگەری لابردنی زراو.
بەکارهێنانی تاپ بلۆک وادەکات کەمتر پێویستمان بە بەکارهێنانی دەرزی یان دەرمانی ئازارشکێن بێت دوای نەشتەرگەری و بەمەش نەخۆشەکە کەمتر تووشی دڵتێکەڵهاتن و ڕشانەوە دەبێت.
-کاریگەریی بلۆک کردنی ئازاری نەشتەرگەرییەکە بۆ ماوەی 24 بۆ 36 کاتژمێر دەمێنێتەوە.
نەخۆشەکە دەتوانێت زووتر هەستێتەوە و دەستبکاتەوە بە جوڵە و باشتر ئاگاداری کۆرپەکەی بێت.
ڕێژەی سەرکەوتنی ئەم تەکنیکە نزیکە لە 80%، واتە مەرج نییە بۆهەموو نەخۆشێک هەمان کاریگەریی هەبێت. [1]