کورد دلۍ چەرخەکا تاریخینە
بەشۍ: سەڎ و پەنجا و حۆتەمە
نویستەی: #هاوڕێ باخەوان#
ساڵەو (1838ز): چن تۊمارێ پېوەس پی ساڵېوە پەی ئېمە مەنېنێ:
* گ. ڕاولنسن نویستەنش، ئەچی ساڵېنە دەسەڵاتو سۆرانی جە شنۆوە تاکو قەراخو ڕۊخانەو دیجلەی بېیەن و چاگەیچۆ یاوان تاکو زێی گولانە.
* ئەچی ساڵېنە بەریتانیا و عوسمانیەکۍ پێمانێ بازرگانیشان بەستەن.
* ئەچی ساڵېنە مەلا ئەحمەڎ نەسیرولئیسلامی سنەیی ئامان دنیا.
* شېخ عەبدول سەمیعی بەرزنجی دلۍ شارو (حەلەب)ینە کۊچی دمایینش کەردەن، نامبریا نویسەر بییەن.
* ئەچی ساڵېنە زانای ئایینی شېخ مارفی نۆدێ، تاتەو حاجی کاک ئەحمەڎی شېخی کۊچی دمایینش کەردەن، قەبرسانو گردو سەیوانی ئەسپەردە کریان.
* ئەچی ساڵېنە هېزە تورکەکۍ مجیێنېنە ناوچەو بۆتانی.
* ئەحمەڎ پاڎشا بېیەن بە میرو بابانی.
* مانگەو (3) ئی ساڵېنە، حافز پاڎشا سەردارو هۊزە تورکەکا، هېرشش بەردەن سەرو (سەیڎ بەگ)ی کە سەردارێ بە دەسەڵاتو کوردی بېیەن، تاواشان ماوەو دۋۍ مانگانە بە یاردی هۆزە کوردەکا تەری سەرو سەیڎ بەگیرە سەربگنان و قەڵاکېچش داگیرەبکەران.
* تاریخو (09-05-1838ز) هېزەکانو تورک و کوردی جبەرو قەڵاکۍ سەیڎ بەگی دەسە و یەخە کۆتۍ جەنگ.
* تاریخو (13-05-1838ز) تورکەکۍ قەڵاکۍ سەیڎ بەگیشان سۊچنا.
* مانگەو (6) ئی ساڵېنە، حافز پاڎشا سەردارو هۊزە تورکەکا هېرشش کەردەن سەرو ناوچەکانو (موش و زاخۆ)ی، تاکو بە زۊر باج جە نیشتەجایەکا ناوچەکەی بسانۊن.[1]