ناونیشانی بابەت: ئەو شتانەی پێویستە خانمان بیکەن دوای منداڵبوونی سرووشتی
ناوی نووسەر: د. #کەژان کاوە تەها#
-ئەگەر تەقەڵ یان برینت هەبوو پێویستە بە پاکی ڕایبگریت بۆ ئەوەی تووشی هەوکردن نەبێت و لەگەڵ ئەمەشدا لەوانەیە بۆ ماوەی چەند هەفتەیەک ئازاری هەبێت دەتوانیت سەهۆڵ بەکاربهێنیت لە سەرەتادا بۆ کەم کردنەوەی ئازار و هەڵاوسان و دەرمانی ئازارشکێن بەپێی پێویست.
-پێویستە بڕێکی زۆر لە سەوزە و شلەمەنی و ئاو بخۆیتەوە بۆ ئەوەی قەبز نەبیت و لە حاڵەتی پێویست ڕاوێژ بە پزیشکەکەت بکە بۆ ئەوەی دەرمانی بۆ بەکاربهێنیت.
-قوورسایی هەڵمەگرە.
-دووربکەوە لەوەی بۆ ماوەیەکی زۆر بەپێوە بوەستیت جەستەت پێویستی بە پشوودانە.
-هەرگیز لایەنی دەروونیت و نیشانەکانی خەمۆکی پاش منداڵبوون پشتگوێ مەخە و باشتر وایە زووتر چارەسەری بۆ وەربگریت.
-هەر کات ئازارێکی زۆرت هەبوو یان گۆڕانکاری لە شوێن برینەکەت ڕوویدا وەکوو سووربوونەوەی زۆر و هەڵاوسانی زیاتر یان هەستت بە بۆنی ناخۆش کرد سەردانی پزیشکەکەت بکە.
-ئەگەر لە ماوەی دووگیانی یان دوای منداڵبوون تووشی مایەسیری بوویت باشتر وایە کرێمی تایبەت بەم حاڵەتە بەکاربهێنیت. [1]