بە حیسابو ئی هەچکوچا بۊ، ئېساڵ چەمتا نمەگنۊ جەشنۍ
پیرەمێردیۆ دەم وهەیامی ڕەمەزانی سی دانە مەویژ مەکەرۊ نمانە گیرفانی شەروالش وهر ڕۊیۆ دەربازبۊ دانیۆ مۆڕۆ داکی بزانۆ چڼە ڕۊیە مەندەن پەرۍ جەشنی.
ڕۆیۆ پیرەژەنەکەش شەروالی پیرەمێردەکەی مەکەرۊ بەدارۊ ودەستش مەدۊ نە مەویژگەلجانەش و مەواچۆ وەی کۊر بېیایەم نەزانێم کی حەجی مەویژ چەلاش خۆشەن، مۆرزۆ ئێک چینگە پڕ مەویژ مەکەرۊ نمانە گیرفانش....
دما چڼە ڕۊیە جەماعەتیۆ چەنەش مەپرسا : حەجی چڼە ڕۊیە مەندەن ئەرە جەشنی؟
ئەوچێ دەستی مەکەرۊ نمانە گیرفانی یۆش و ئو مەویژە فرایینە مەدیتۆ ئەسا مەواچۆ: بە خوڎا بە حەسابی مەویژگەلجانەیبۊ ئیمسال چەمتا نمەگنۆ بە جەشنی.[1]