ناونیشانی بابەت: ئازاری ناوچەی حەوز و خوارەوەی سک لە ماوەی دووگیانی
ناوی نووسەر: د. #کەژان کاوە تەها#

لە ماوەی دووگیانی بەگشتی و بەتایبەت لە سێیەکی دووەم خانمان جارجار کتوپڕ هەست بە ئازارێکی تیژ لە ناوچەی حەوز یان خوارەوەی سک دەکەن کە لەوانەیە لە یەک لا یان هەردوولای حەوز و خوارەوەی سک هەستی پێ بکەن و ماوەی ئازارەکە چەند خولەکێکی کەم دەخایەنێت، ئەم ئازارە بەهۆی کشانی ئەو بەستەرانەوەیە کە پاڵپشتی منداڵدان دەکەن و گرژ دەبن و خاو ئەبنەوە و لەگەڵ گەورەبوونی قەبارەی منداڵدان زیاتر کشان ڕوودەدات تیایداندا.
=KTML_Bold=چی دەبێتە هۆی درووست بوونی ئازارەکە ؟=KTML_End=
1-جوڵەی لەناکاو و خێرا ، بۆ نموونە هەڵسان یان دانیشتن بەخێرایی.
2-کۆکە و پژمین.
3-سووڕان لەسەر لایەک بۆ لایەکی تر لە کاتی پاڵکەوتن.
4-قەبزی.
5-پێکەنین یان هەر شتێک کە کتوپڕ پەستانی ناو سک زیاد بکات.
=KTML_Bold=چۆن چارەسەری بکەین؟=KTML_End=
-جوڵە یان هەڵسان و دانیشتن بەهێواشی.
- وەرزشی تایبەت بەئازاری ئەم بەستەرە ئەنجام بدە لەژێر چاودێری کەسی شارەزا.
-پشتێنی تایبەت بەکاتی دووگیانی.
-لە کاتی کۆکە و پژمین باشترە خۆت بچەمێنیتەوە.
-لە حاڵەتی بەردەوام بوونی ئازارەکە پێویستە سەردانی نەخۆشخانە یان پزیشکەکەت بکەیت. [1]