کورد دلۍ چەرخەکا تاریخینە
بەشۍ: دوەسەڎ و ویس و هەشتەمە
نویستەی: #هاوڕێ باخەوان#
ساڵەو(1905ز):
* ئیبراهیم پاشا فەرمانش بە سوارە حەمیدییەکا وېش دا، کە ناوچەکانو دۆروبەرو دیاربەکری تالان بکەران، تورکەکۍ هیچ وەرگیریێشان چا تاڵانییەیە نەگېرت، بەڵکوم دەسوەشیشان چەنە کەردۍ و نەمانیای ئیبراهیم پاشایشا کەرد.
* باگداساریانی ئەرمەنی، بە بۊنەو (25)مین ساڵڕۊ ڕاپەڕینەکەو شېخ عوبەیدوڵلای نەهری، وتارێش سەرو ئا شۊڕشەیە وەڵاکەردۆ.
* تاریخو(05-01-1905ز) کۊششکارو کوردی عوسمان سەبری-ئاپۆ عوسمان، دلۍ دەگاو(نارنجیەو ئادیمان)ی، سەرنیشتو وەلاتی ئامان دنیا.
* تاریخو(17-08-1905ز) تورکەکۍ ئەچی تاریخەنە بە یاردی سوارەی حەمیدی هېرششان کەردەن سەرو ناوچەو لاهیجانی، بە بەهانۍ گلېرکەردەیۆ باجۍ ناوچەکەشان داگیرکەرد.
* مانگەو(11) ئی ساڵېنە، کوردەکۍ ناوچەو دەرسیمی دژو تورکەکا خېزیێ.
* تاریخو(16-11-1905ز)، نویسەرحەسەن فەهمی جاف دلۍ شارو هەڵەبجەی ئامان دنیا.
* مانگەو(12) ئی ساڵېنە، ڕاپەڕینێ جە وەرکۆتو کوردەسانی خېزیان.[1]