کورد دلۍ چەرخەکا تاریخینە
بەشۍ: دوەسەڎ و سی و یەکەمە
نویستەی: #هاوڕێ باخەوان#
ساڵەو (1907ز)
* ئەچی ساڵېنە، مەلا ساڵحی حەریق (شاعېر) دلۍ شارو مەهەبادی کۊچی دمایینش کەردەن، زیارەت تەڵانو مەلا جامی ئەسپەردەکریان.
* ئەچی ساڵېنە، وەرکۆتئەشناسی ئەڵمانی (دکتۆر گۆگە کرۆتی) گەشتێش پەی کرماشانی کەردېنە.
* ئیبراهیم پاشا ئەچی ساڵېنە هېرشش کەردەن سەرو دەگایەکانو دیاربەکری و دەیان دەگێ موسڵمان و فەلە نشینەکاش دلېنە بەردۍ.
* حوسێن بەگ پەی ماوەو ساڵێ بییەن بە فەرمانڕەواو سلێمانی.
* شېخ عەبدولئەحەد ناکام (شاعېر)، نەوەو شېخ بورهانی ئەچی ساڵېنە ئامان دنیا.
* کۊنگرەو (تورکیای لاو)ی، جە پاریس ئەچی ساڵېنە بەسیان، چن نامڎارێ کوردی بەشداریشان چەنەکەرد.
* وەهارو ئی ساڵېنە، خانە کوردەکۍ ناوچەو زەردەشتی، بانگەوازو ئانەیشا کەرد کە ئاڎۍ وېشان بە ڕەعیەتو سوڵتانی عوسمانی مزانان، چوونکوم سوڼی مەزهەبېنۍ.
* مانگەو (7) ئی ساڵېنە، تورکەکۍ بە یاردی سوارەی حەمیدی هېرششان کەردەن پەی سەرو ناوچەو ورمێ، درېژەو جەنگەکەینە ناوچەو تەرگەوەڕیشان داگیرکەرد و (38) سەربازۍ ئێرانی کوشیێ کە یەرېشان ئەفسەرۍ بېنۍ، نزیکەو (100) کەسېشان چەنە زامڎارۍ کەردۍ.
* مانگەو (12) ئی ساڵېنە، سەدری ئەعزەم، بە زۊرو ڕووسی و بەریتانیای ناچار کریا کە قۆلو ئانەیە بڎۊن کە کوردەکانو وەرکۆتی پەی لاو وېش نەکېشۊ.[1]