ئەجۊ ئینا سەرو ئایېریۆ
وەختێ ئینسان مەگنۊ سەرو ئایېری، یام قاچېش مەگنا سەرو زەمینێ داخ و گەرمی، قاچېش هۊرگېرۊ و منیۊشارە، جە حەیبەتیۍ تینەو گەرماکەی ئارامش چەنە بڕیۊ. پېسە ئیدیۆمێ پا کەسا واچیان هەکە ئارام نمەگېران، هەمیشە پەلەشانەن. فرەتەر جە وەختو سەردای و مېماندارینە بەکارمێ، بە نمونە کەسێ ملۊ پەی سەردای یانەو قۆمێشا، ئەچاگە زوو زوو ماچۊ بە خوڎا دېرا من ئەشۊ گېڵوە، یام بلوە، ساحیب یانەیچ پەنەش ماچۊ چېشا ئەجۊ ئینای سەرو ئایېریۆ، پەلەت چېشەن.
فرەو وەختیچ ماچان ئەجۊ ئینای سەرو سکەڵیۆ. ئی ئیدیۆمۍ بە فرەیی ژەنی بەکارش ماران، وەختێ مېمانېشان ملان حەز نمەکەران زوو بگېڵاوە، گەرەکشانەن زیاتەر مەناوە، ماچان چی مەنیشدېرە، خۊ نیەندۍ سەرو سکەڵیۆ.[1]