کورد دلۍ چەرخەکا تاریخینە
بەشۍ: دوەسەڎ و چلهەمە
نویستەی: #هاوڕێ باخەوان#
ساڵەو (1910ز):
* حەسەن فەلاحی وېنەکېش، ئەچی ساڵېنە ئامان دنیا.
* فانی شاعېر، ئەچی ساڵېنە ئامان دنیا، نامېش مەمەند ئاغا کوڕو ڕەسوڵ ئاغاین.
* نەجمەدین حاجی مەلا ڕەسوڵی دێلێژە، ئەشناسیا بە ئاری شاعېر ئەچی ساڵېنە ئامان دنیا.
* ئەچی ساڵېنە، هونەرکاری گۊرانیواچ و تەمبوورژەن (مەلا حوسێن مەلا غوڵام حەیدەر) کۊچی دمایینش کەردەن.
* ئەچی ساڵېنە، شېخ ڕەزای تاڵەبانی شاعېر کۊچی دمایینش کەردەن.
* مانگەو (4)ئی ساڵېنە، ڕووسیا و بەریتانیا هاگاڎاریێ تڼشا دا بە تورکیای، سەرو ئانەی کە ورمێش داگیرکەردەن.
* مانگەو (6) ئی ساڵېنە، ڕاپەڕینێ دژو تورکەکا خېزیان، بە سەرداری میر جەنگە.
* مانگەو (7) ئی ساڵېنە، هېزەکانو تەیموور ئاغا و کوردە بەگ دەگاو سەنگەریشان بە تەمامی خاپوورە کەردە، چوونکوم گەرەکشان نەبۍ ببان بە دماکۆتەو تورکیای.
* مانگەو (11) ئی ساڵېنە، عەبدولڕەزاق بەدرخان داواش ئەو ڕوسیای کەردە کە ڕاش بڎان پېسە هاموەڵاتیێ ڕووسیای دلۍ شارو یەریڤانی نیشتەجابۊ، چوونکوم تورکەکۍ تەنگشان پەنە هۊرچنیەبۍ.[1]