ڕۆژی پێنجشەممە #04-07-2024# لە شاری #بەغدا#، #مەسعود بارزانی# پێشوازی لە بەڕێز ئەنیل بورا ئینان باڵیۆزی تورکیا لە ئێراق کرد.
لە کۆبوونەکەدا دوایین پێشهاتەکان و بارودۆخی سیاسیی ئێراق خرایە بەر باس و مەسعود بارزانی هۆکار و ئامانجەکانی سەردانی خۆی بۆ بەغدا خستەڕوو و ئاماژەشی بەوەدا کە لەناو پڕۆسەی سیاسیی ئێراقدا کەشێکی ئەرێنی هاتۆتە ئارا کە دەکرێت زەمینەیەکی باش بێت بۆ چارەسەرکردنی کێشەکان.
هەر لەو دیدارەدا باڵیۆزی تورکیا لە ئێراق ڕایگەیاند وڵاتەکەی پاڵپشتی ئەوەیە کە گیروگرفتە سیاسییەکانی ئێراق بە دیالۆگ و لەیەکتێگەیشتن چارەسەر بکرێت و هیچ پێکهاتەیەک پەراوێز نەخرێت. پەیوەندییە ئابووری و سیاسییەکانی نێوان ئێراقی فیدڕاڵ و هەرێمی کوردستان و تورکیا تەوەری تری ئەو دیدارە بوو. [1]