تیمی گۆڕەپان و مەیدانی کچانی یانەی فەتات نینوی بەشدارە لە پاڵەوانێتی یانە پاڵەوانەکانی وڵاتانی عەرەبی.
بە مەبەستی بەشداری لە پاڵەوانێتی گۆڕەپان و مەیدانی کچانی یانەکانی عەرەب، کچانی یانەی فەتات نینوی بە پێکهاتەیەکی بەهێز ئامادەکاری کردوو بۆ ئەو مەبەستەش گەیشتنە شاری شاریقە لە وڵاتی ئیمارات.
ئەمە و لەنێو پێکهاتەی یانەکە، پێنج کیژە یاریزانی پاڵەوانی یانەی پێشمەرگە توانیان پشکی شێریان هەبێت و تیمی کچانی یانەی ناوبراو بەهێز بکەن.
سەبارەت بە بانگێشت کردنی کچانی پێشمەرگە بۆ ئەو پاڵەوانێتییە #نزار ئەکرەم# سەرپەرشتیاری گشتی تیمی گۆڕەپان و مەیدانی یانەی پێشمەرگە بۆ پێشمەرگە سپۆرت ڕونکردنەوەی زیاتری دا و وتی، یانەی پێشمەرگە خاوەن نازناوی پاڵەوانێتییەکانی ئێراقە لە یاری گۆڕەپان و مەیدان و خۆشبەختانەش توانیمان پێنج کیژە یاریزانی یانەکەمان ببنە پاڵپشت بۆ تیمی کچانی یانەی فەتات نینوی کە بەشدارن لە پاڵەوانێتی یانەکانی عەرەبی.
نزار وتیشی لە ئێستادا 2024 هەریەک لە یاریزانانمان (#چاوان بەهادین# لە یاری سێ باز و یەک باز و #مریەم عەبدولحەمید عەبدولڕەحمان# لە یاری یەک باز و بازی بەرز و مەیس مەهدی حەسەن لە یاری 100 و 200 مەتر سەربەست و بەنین لە یاری سوباعی و دیانە لە یارییەکانی 5000 هەزار و 1500 مەتر) بەشداری لە ڕکابەرییەکانی پاڵەوانێتییەکە دەکەن.
جێگەی باسە بڕیارە یارییەکانی پاڵەوانێتی گۆڕەپان و مەیدانی یانەکانی وڵاتانی عەرەبی لە ڕێکەوتی 08-02 تا #11-02-2024# بەردەوام بێت.[1]