هەردوو کیژە یاریزان #چاوان بەهادین# و #مریەم عەبدولحەمید عەبدولڕەحمان# لە تیمی گۆڕەپان و مەیدانی یانەی پێشمەرگە توانیان دەست کەوت و نازناو بۆ یانەکەیان و وڵاتی ئێراق لە پاڵەوانێتی عەرەبی بەدەست بهێنن دوای ئەوەی ئاڵتون و زیویان لە مل کرا.
لە شاری شاریقە و لە درێژەی یارییەکانی پاڵەوانێتی گۆڕەپان و مەیدانی وڵاتانی عەرەبی و لە یاری سێ باز، چاوان بەهادینی کیژە پێشمەرگەکەی کوردستان توانی بە خۆ هەڵدانی 11، 48 م پلەی یەکەم و میدالیای ئاڵتون بەدەست بهێنێت.
لە هەمان یاری پلەی دووەم بۆ (ئایە وەلید) بوو لە وڵاتی میسر بە 11، 44 م، ئەمە و لە یاری بازی بەرز مریەم عەبدولحەمیدی کیژە یاریزانی یانەی پێشمەرگە بە 1، 67 سم پلەی دووەم و میدالیایی زیوی بردەوە و نازناوی ئەو یاریەش بۆ وڵاتی میسر بوو بە جیاوازی 3 سانتیم کە 1، 70 سم.[1]