یارییەکانی کۆبوونەوەی یەکەم لە قۆناغی کۆتایی خولی نایابی بالەی یانەکانی ئێراق لە شاری بەسرەی خواروی ئێراق بەردەوامە و لە جەولەی سێیەمی ئەو کۆبوونەوەیەدا کوڕانی پێشمەرگە ڕووبەڕووی یاریزانانی یانەی بەحری بوونەوە.
یارییەکە لە کاتژمێر 5:00 ی ئێوارەی ڕۆژی هەینی #08-03-2024# و لەنێو هۆڵی زوبێر بەڕێوەچوو، تێیدا و پێشمەرگەکان، پێشمەرگە ئاسا توانیان بە ئەنجامی سێ‌ سێتی بێ‌ وەڵام سەرکەوتنێکی گرنگ بەدەست بهێنن و بەحری بەسرەیان تووشی شکستێکی قوورس کرد.
لە سێتی یەکەم پێشمەرگە بە ئەنجامی (25 -21) خاڵ براوە بوون و هەروەک لە سێتی دووەمدا بە (25 -23) خاڵ ئەنجامەکەیان بۆ خۆیان یەکلا کردەوە و لە سێتی سێیەم و کۆتایی یارییەکەشدا ئەنجام بۆ کوڕانی پێشمەرگە یەکلایەنە بوو دوایی ئەوەی تیمی بەحری تەنیا 16 خاڵ یان بەدەست هێنا.
بەو سەرکەوتنەش تیمی بالەی یانەی پێشمەرگە لە کۆی 3 یاری بە دوو سەرکەوتن و یەک شکست خاوەن 7 خاڵە.[1]