لە درێژەی یارییەکانی خولی پیشەگەرانی تۆپی پێی لاوانی یانەکانی ئێراق و لە جەولەی سێیەمی خولەکەدا، تیمی لاوانی #یانەی وەرزشی پێشمەرگەی سلێمانی# کە لە کۆمەڵەی تیمە ئاگرینەکانە، لەسەر یاریگەی یانەکەی لە ناوچەی فەرماندەیی میوانداری لە لاوانی #یانەی زاخۆ# دەکەن.
یاری نێوان هەردوو تیم لە کاتژمێر 3:00 ی پاش نیوەڕۆی ڕۆژی شەممە #09-03-2024# بەڕێوە دەچێت و تێیدا پێشمەرگە بەو ڕۆحە گەرمەی لە بەرانبەر #دهۆک# هەیبوو دەچێتەوە نێو یاریگە و بۆ دووەم سێ خاڵی جەنگاوەر دەبێت لەنێو هاندەرانی دا.
جێگەی باسە تیمی لاوانی یانەی وەرزشی پێشمەرگە لەم وەرزەی خولی پیشەگەران بە یاریزانانی یانەکەی و بە سەرکردایەتی، ڕاهێنەری لاو، #سۆران سەلیم# بەشدارە و خەونی گەیشتن بە لوتکەیان هەیە و وەک ڕاهێنەری تیمەکەش بۆ پێشمەرگە سپۆرت وتی، ئامادەکاری ئەم وەرزەمان جیاوازە و لە خولێک بەشدارین کە لە ئاستی خولەکانی دەرەوە دەبینرێن و هەر بۆیە دەمانەوێت بە پلانی نوێ و جیاوازەوە یاری بۆ یاری بە ئامانجەکانمان بگەین.[1]