دنیاو وېیەردەو و هونەر و کەلتووری پەڕ ڕاز و ئەفسانەی و پەڕ جە جوانیما
دنیاو وېیەردەو و هونەر و کەلتووری پەڕ ڕاز و ئەفسانەی و پەڕ جە جوانیما، هەرچیە کارش سەروە کەرمې هەڵایی کەمەن و جە ڕاو هۆرامانشناسینە جوانی و کەلتوور زیادتەرما مەگنۊ بەروە.
وەقتیە (نام سوم چوی) خەڵکەو وڵاتەو کورەی وارینی جە زانشتگاو (سێول)یوە پایاننامەو دوکتراکەش سەرەو مێعماری و بیناسازی هۆرامانی دا، گرڎما بە شێوەیە گلەیما جە ویما کەرڎە کە پەچێ ویما لایە فرەتەر جە وېیەردە و هونەر و دەسۋستەکاو ویما نمەکەرمېوە.
ئیسەچ خاتوونیە هۆرامیە بەڕېزە (سەندووس کەریمی) چی ڕاینە پایاننامەو کارشناسی ئەرشەدەکەیش سەرەو (تحلیل بصری مفهوم عشق در نگارەهای سه نسخه خطی اورامی الماس خان کندولەی)، فامداو عەشقی جە نیگارەکاو یەرێ نۆسخێ دەستنوویسێ هۆرامیێ شاعیری پایەبەرز ئەڵماس خان کەنووڵەیی بە سەرکۆتەیوە گېرت.
جیا جیە موارەکواچییە گەرمی بە خاتوون کەریمی و وەشحاڵی دەربڕیەم پەی هەمکاری و خزمەتی هەرچیە کەمیم چی ڕاینە، ئۆمێڎم هەن وەنیار و پەیجورکارە ئازیزەکېتەریچما بابەتەو پەیجوری و پایاننامەکاشا سەرە لایەنە جۊراوجۊرەکاو هۆرامانشناسی و دەستنوویس و بەڵگەنامە و وېیەردە و کەلتوور و هونەریماوە زیاڎتەر بۊ.
ئیدریس پیری.[1]