ناڤێ وی عەبدولڕەحمان لەتیف ئیسماعیل عەبدوڵڵا لەتیفە، ساڵا 1903 ل باژێڕێ #مەهاباد# ژدایکبوویه.
ل ساڵا 1913 تەڤی حسێن حوزنی یێ برایێ خوە چوویە وڵاتێ شام ل باژێڕێ #حەڵەب#ێ هەیا ساڵا 1925 لەوێرێ نیشتەجێ بوویە و خوەندنا دەستپێکی ل قوتابخانەیێن حەڵەبێ خوەندیه، ل ساڵا 1924-1925 چوویە بەیرووت و ل زانینگەهەکێ فێری ئەلف و بێیا زمانێ فەڕەنسی بوویه، ل ساڵا 1915 حسێنێ برایێ وی مەکینەیەکە چاپ ل ئەڵمانیا کڕیە و ل بازاڕێ حەڵەبێ دانایه.=KTML_Photo_Begin=https://www.kurdipedia.org/files/relatedfiles/2008/340/0001.JPG=KTML_Photo_Alt=گیوی موکریانی=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/340/0001.JPG=KTML_Photo_End=
ل ساڵا 1925 تەڤی حسێن حوزنی هاتینە بو ئیراقێ و هەیامەک ل باژێڕێ بەغدا نیشتەجێ بووینە، هەر لوێ ساڵێدە لسەر داخوازیا سەید تەهای شەمزینی ڕێڤەبەرێ وی سەردەمەی یێ باژێڕوکێ #ڕەواندز# و هەڤالێ کەڤنارێ خوە ل باژێڕێ حەڵەب چووینە ژبو ڕواندز و چاپخانەیەک لێ دامەزراندییه، ل ساڵێن 1926-1932 یاریدەرێ حوزنی و ڕێڤەبەرێ گۆڤارا زارێ کرمانجی بوویە ل ڕواندزێ، ل ساڵێن 1935-1936 کار ل گۆڤارا ڕووناکیدە کرییه، کو ژئالێ حوزنی و شیت مستەفا ل ڕواندز و باژێڕێ #هەڤلێر#ێ دەرچوویه، ساڵا 1935 هاتییە هەڤلێر و تەڤی پیشەیا وێنەگریێ و کاروبارێ چاپخانەیێ ژی ڕێڤەدبر، هەر لوێ ساڵێدە مەکینەیەکا مەزنتر ژبو چاپا کوردی ل مووسڵ ل فەزیل عیسا مەحفوز کڕی و ل هەڤلێرێ دامەزراند ژبو چاپکرنا گۆڤارا ڕووناکی و پەرتووکا کوردی، ل #20-09-1947#، دەمێ کوو حسێن حوزنی موکریانی یێ برایێ وی وەغەرا داویێ کربوو، مەکینا بەرێ یا زارێ کرمانجی دێبەتە دەف خوە و ل ساڵا 1948 دەمێ ڕاپەڕینا نیشتمانی یا گەلێ ئیراقێ و پشتی دەست خستنا هندەک سەربەستی یێن دەموکراتی ل وڵاتدا ناڤێ چاپخانەیا زاری کرمانجی ژبو چاپخانەیا کوردستان گوهری.
ل ساڵا 1963 ناڤێ چاپخانێ پێ دگوهڕن ژبو چاپخانەیا هەڤلێر، ل ساڵا 1970 پشتی دەرچوونا بەیاننامەیا دیروکی یا 11ێ ئادارێ ناڤێ چاپخانێ ڤەگەڕاندە سەر چاپخانەیا کوردستان، ڕوژا #1977-07-24# ل نەخوشخانەیا باژێڕێ مووسڵ وەغەرا داویێ کر و ل هێڤاریا هەمان ڕوژێدە ل گۆڕستانا ئیمام محەمەد ل هەڤلێرێ ل تەنشت نڤیسەر و دیروک نڤیسێ ناڤدار حسێن حوزنی موکریانی یێ برایێ وێ هاتییە بخاک سپاردن.[1]
ئەم بابەتە بەزمانی (کرمانجی) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 30 جار بینراوە
ڕای خۆت دەربارەی ئەم بابەتە بنووسە!