کورد دلۍ چەرخەکا تاریخینە
بەشۍ: یەرەسەڎ و چوارەمە
نویستەی: #هاوڕێ باخەوان#
ساڵەو (1922ز.):
* مانگەو (10)ئی ساڵېنە، ئیسماعیل خانو سمکۆی دمای مەڕیای ڕاپەڕینەکەیش، وېش یاونا هۆلېر.
* تاریخو (#10-10-1922#ز.) یەکەمین ئەنجومەنو شالیارگا کوردەسانی مەرزیارە، بە سەرداری شېخ عەبدولقادری دلۍ حکومەتی پاشانشینی کوردەسانینە، کە ئینۍ شالیارەکېش بېنۍ: ژەنەراڵ مستەفا پاشای یاموڵکی_ شالیارو مەعاریفی، سەرهەنگ ساڵح زەکی ساحیبقەران_ شالیارو وەرگیری، عەبدولکەریم ئەلەکە_ شالیارو دارایی، شېخ محەمەڎ غەریب_ شالیارو دلېنەی، ئەحمەڎ بەگو فەتاح بەگی_ شالیارو ئابوری، حەمەو ئۆڕەحمان ئاغای_ شالیارو نافیعەی، حاجی مەلا سەعید_ شالیارو داڎپەروەری، ژەنەراڵ سدیق قادری_ وشکنەرو سەراپاو هېزەکانو کوردەسانی، سەی ئەحمەڎ بەرزنجی_ ڕاوەبەرو گرڎینو ئاساییش و پۊلیسو کوردەسانی. قەراریچ دریا کە سلېمانی ببۊن بە پایتەختو کوردەسانی.
* تاریخو (#15-10-1922#ز.) ژمارە (10) ڕۊنامەو بانگو کوردەسانی بەرشېیەن.
* تاریخو (#23-10-1922#ز.) هۊرچنیەی پەرلەمانو ئېراقی کە بەرەو کورڎی بە سەرداری شېخ مەحمووڎی بەرزنجی دژو ئا پەرلەمانەیە بېنۍ.
* تاریخو (#25-10-1922#ز.) واتە و واچو ئێران و تورکی دەربارەو ڕاپەڕینەکەو ئیسماعیل خانو سمکۆی لوان ڕاوە، پەی ئانەی تورکەکۍ یاردی سمکۆی نەڎان.
* تاریخو (#27-10-1922#ز.) دما ژمارەو ڕۊنامەو بانگو کوردەسانی جە سلېمانی بەرشی.[1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (هەورامی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە 202 جار بینراوە
ڕای خۆت دەربارەی ئەم بابەتە بنووسە!