کورد دلۍ چەرخەکا تاریخینە
بەشۍ یەرەسەڎ و ویس و پەنجەمە
نویستەی: هاوڕێ باخەوان
1925ز.
* مانگەو (07) ئی ساڵېنە، ئەحمەڎ موختار جاف بی بە کیانیاو شارو سلېمانی دلۍ ئەنجومەنو ئێراقینە.
* تاریخو (#16-07-1925#ز.) ڕاپۊرتێ لیژنەو کۊمەڵو گەلانی وەڵاکریاوە، کە ئەرکو گرفتو موسڵیش پەنە ئەسپاریابۍ، ژمارەو کورداش بە یەرۍ ملیۊن کەسۍ نیابېرە.
* تاریخو (#28-07-1925#ز.) بە کۊتائاماو داوەری کەردەی شېخ سەعیدی پیرانی، کە دماتەر چەنی (53) سەردارا کورڎی دریێ قەنارە. سەردارو داڎگاو تورکی بە شېخ سەعیدی و هامڕاکاش وات: بەشێ جە شمە ئاکارو خراپی حکومەتی و وەرگیری جە خەلافتیشان کەرڎەن بەهانۍ، بەڵام گرڎتان سەرو مەرزنارەی کوردەسانی سەربەۋۍ یەکدەنگۍ بېندۍ.
* تاریخو (#16-08-1925#ز.) بەپاو ڕاپۊرتێ کۊمەڵەو گەلانی کە ئەچی ڕوەنە بەرشی؛ ئامارو نیشتەجایا کوردەسانی پی شېوەنە: کوردەکۍ سەرنیشتی ملیۊن و نیمێ، کوردەکۍ وەرکۆتی حۆت سەڎ هەزار کەسۍ، کوردەکۍ پانیشتی نیم ملیۊن، کوردەکۍ وەرنیشتی (سووریا) یەرەسەڎ هەزار کەسۍ.
* مانگەو (09) ئی ساڵېنە، یاوای چن پەنابەرێ کورڎی جە سەرنیشتۆ پەی پانیشتو کوردەسانی، کە جە تاوەو زۊرداری تورکی ڕەمێبېنۍ، چوونکوم بەشداری شۆڕشەکەو شېخ سەعیدی پیرانیشان کەرڎەبۍ.
* تاریخو (#04-09-1925#ز.) تورکەکۍ (52) کەسېشان جە شارو دیاربەکری قەنارە دێ، ئانۍ ئا کەسۍ بېنۍ کە دلۍ شۆڕشەکەو شېخ سەعیدی پیرانینە بەشداریشان کەرڎەبۍ.
* تاریخو (#04-09-1925#ز) خنیکنای شېخ سەعیدی پیرانی بە دەسو تورکەکا.[1]