کوردەسان؛ بە ۋاتاو خاکو کوردانی مەی، ھەرېمێ جوگرافی جە وەرکۆتو میانی، کە فرەو نیشتەجایەکاش کورد زوانېنۍ. کوردەسان جە ئیسەنە جە چوار پارچا، یام بەشا پېکئامان: سەرنیشت (وەرکۆت و پانیشتو تورکیای)، پانیشت (سەرنیشتو ئێراقی)، وەرکۆت (وەرنیشتو ئێرانی)، وەرنیشت (سەرنیشتو سووریای). تاریخەنە کوردەسانی سوور (جە یۊگېری سۆڤیەتی) پېسە بەشێ جە کوردەسانی ئەژمار کریان. دیاریکەرڎەی سەرحەڎ و مەرزەکا کوردەسانی یۊن جە مەلەفە پەڕ تەنگ و چەڵەمەکا، چوونکوم ئا وڵاتۍ سەرو خاکو کوردەسانی و نیشتیمانو کوردارە باڵادەسېنۍ، پېسە هەرېمێ جوگرافی، یام نەتەوەیی دڎانۍ بە بییەو کوردەسانیرە نمەنیان، بەڵکووم زېیاتەر بە ناوچە کوردنشینەکانی نامېشان مەبەران. جە دیاگاو ڕامیاریۆ، ھەرېمو کوردەسانی جە پانیشتو کوردەسانی و وېڕاوەبەری وەرنیشتی جە وەرنیشتو کوردەسانی دۋۍ حکوومەتۍ وېڕاوەبەریۍ کورڎیېنۍ کە ئەچی دوە بەشەو کوردەسانینە باڵادەسېنۍ. کوردەسان جە ئێرانەنە بە فەرمی تەنیا پېسە پارېزگێوە ئەشناسیان. ھەم کوردەسان جە، لاو تورکیایۆ بەفەرمی نەشناسیان و نامۍ کوردەسانی ئەچاگە نایاساییەنە.[1]