تیمی تۆپی پێی قوتابخانەی #یانەی وەرزشی پێشمەرگەی سلێمانی# بەردەوامە لە چالاکی و یارییە دۆستانەکانی و لەونێوەندەشدا ئەکادیمییەی ساوە سەربە پارێزگەی ناسریە بۆ ئەنجام دانی دوو یاری دۆستانە بوونە میوانی قوتابخانەکەی یانەی پێشمەرگە.
لەسەر یاریگەی فەرماندەیی تایبەت بە یانەی پێشمەرگە و لە یەکەم یاری دا تیمی تازەپێگەیشتووانی یانەی پێشمەرگە بۆ لە دایک بوونی (2008-2009) لە بەرانبەر تیمی تازەپێگەیشتووانی ئەکادیمییەی ناوبراو یاریان کردوو دوای پیشان دانی ئاستێکی بەرز دواجار تازەپێگەیشتووە پێشمەرگەکان توانیان سەرکەوتن بەدەست بهێنن بە گۆڵێکی یەکلایەنە.
پاشان و لە هەمان یاریگەی یانەکەدا تیمی بێچووە شێرانی پێشمەرگەکان و ئەکادیمییەی ساوە لە دووەم یاری دۆستانەدا ڕووبەڕووی یەک بوونەوە و پێشمەرگەکان شێرئاسا و دووبارە توانیان بە ئەنجامی 6-1 گۆڵ بردنەوە مسۆگەر بکەن.[1]