ڕکابەرییەکانی پاڵەوانێتی 2024ی شەتڕەنجی یانە پاڵەوانەکانی وڵاتانی عەرەبی لە شاری سەلالە لە وڵاتی عەمان بەردەوامە و لەو چوارچێوەیەشدا و لە جەولەی پێنجەمی یارییەکانی، بیرمەندە پێشمەرگەکان ڕووبەڕووی یانەی ئەبوو زەبی ئیمارات بوونەوە.
لەو یارییەدا کە ئێوارەی ڕۆژی دووشەممە #07-10-2024# و لەنێو هۆڵی هۆتێل پلازا بەڕێوەچوو کوڕانی پێشمەرگە لەژێر سەرپەرشتی #ئەسعەد ئیسماعیل# -ی سەرپەرشتیاریان توانیان بە ئەنجامێکی گرنگ یانە ئیماراتییەکە تێپەڕێنن دوای ئەوەی بە 3-1 خاڵ زەنگی سەرکەوتنیان لە جەولەی پێنجەمی یارییەکانیاندا لێدا.
ئەمە و بەو سەرکەوتنەیان یاریزانان، (#ئاکار عەلی#، #زۆزگ سەڵاح#، ئەحمەد، #ئاریان عەلی# و موعەزەز) توانیان هەنگاوێکی سەخت ببڕن و بگەنە نزیک نازناو و میدالیا ئاڵتونەکان.
جێگەی باسە لە سەرەتای دەستپێکی یارییەکانی ئەو پاڵەوانێتییە کوڕانی پێشمەرگە پێنج یاریان ئەنجام داوە و ئەنجامەکانیان بەم شێوەیە بووە.

پێشمەرگە × مەسیرەی سەڵتەنە عەمان -3,5 خاڵ بەرانبەر 0/5 خاڵ
پێشمەرگە × سوهامی یەمەنی -4 خاڵ بەرانبەر 0 خاڵ
پێشمەرگە × شاریقەی ئیمارات -2,5 خاڵ بەرانبەر 1,5 خاڵ
پێشمەرگە × بردی سووری -3 خاڵ بەرانبەر 1 خاڵ
پێشمەرگە × ئەبوو زەبی ئیمارات -3 خاڵ بەرانبەر 1 خاڵ
[1]